قصائد مدح في مطير(اتمنى تنائل اعجابكم)
وهذي قصيده لعيد الذيب الحربي
ياوي ميرادن على الكبد محلاه && يومن جرا كل القبايل حكوبه
يوم المليدا اللي يذكر بعثناه && كم من حجير لابتي دوجوبه
الورد الاول جاه وردن وعداه && جته الورود التاليه والحقوبه
كم واحدن صم الحوافر توطاه && من راح هكا اليوم ماحسبوبه
وكم من هنوف قرت الجيب تنعاه && عادت مكانه وايست من نوبه
من حاربوه مطير ردوه لاقصاه && حتى الكمام المنبسط شعثروبه
وهذه بيتان من قصيده لمبارك بن درويش السهلي
كم عزبة خلي الجنب عندها اشتات && اقفى عليها الصبح في مسعر مطير
ان اقبلوا شذرة سيوف عطيبات && وان ادبروا مع دربهم يشبع الطير
وقال منير بن مسعر القحطاني قصيده منها
لعيون نوره عودن للمقاهير && ومن صفح المركاض ماهوب منا
يانعم ياربعن لفونا مسايير && ياليت ذا المطران يعزون منا
وقال مريط بن رايعه القحطاني
عدا العقيلي براس الرجم ويويق && يشوف له بوش تزاعج صوب مضماه
وغرنا على البل ورمينا المعاليق && والكل منهم للجنب راح ينخاه
ولحقوا مطير على طوال السماحيق && معهم دويش على صفرا محلاه
ولحق المريخي وسوق البرغدا ضيق && والجيش عيا وسيع البر يبزاه
وقال المبندق عندكم يالمطاليق && خوذوا هدومه وخلوا الشمس تنداه
وغدا الرمك نطله سوات الجواليق && يوخذ رسن هاذي والاخرى مخلاه
ويومن حدونا على كره المضاييق && للخيل حول مثل جفران وحلياه
منقول
ليست هناك تعليقات:
إرسال تعليق